ЦИФРОВАЯ БИБЛИОТЕКА УКРАИНЫ | ELIB.ORG.UA


(мы переехали!) Ukrainian flag (little) ELIBRARY.COM.UA - Украинская библиотека №1

Документы по истории России до XVIII в. - Максим Грек. Слово о Божии промысле (начало XVI в.)

АвторДАТА ПУБЛИКАЦИИ: 20 октября 2006
АвторОПУБЛИКОВАЛ: Администратор
АвторРУБРИКА: Российское государство XV-XVII вв.




(…) Кто бо искони века слышал дерзнути в неверных языцех толь богомерский образ лихоимания, яковь же ныне умыслися нашим властелем? О неизреченныя тихости и долготерпения твоего Христе Боже! где ныне ин велегласнейший, Пророк яко же бе Исайя божественный и велегласнейший да изъяснить яве и достойно дерзаемыя богомерския неправды их, по жидовскому сребролюбию; оле безчеловечия и презельнаго их безумия! Християне благоверны, богатством и всякими имении обливаеми, таже власти получивше привременныя, еюже подобаше им, аще бы убо была в них искра страха Божия, снискати себе, всякою правдою и щедротами, богатство неистощимое на небесех, они же наибольше и наипаче неистовством несытнаго сребролюбия разжигаеми, обидят, лихоимствуют, хитят имения и стяжания вдовиц и сирот, всякия вины замышляюще на неповинных, ни Бога боящеся страшнаго мстителя обидимых, осуждающаго лихоимцов в некончаемыя веки, ниже человеков срамляющиеся, окрест себе живущих, ляхов глаголю и немцев, иже, аще и латина суть по ереси, но всяким правдосудием и человеколюбием правят вещи подручников, по уставленных градских законов от благоверных и премудрых царей, Константина великаго и Федосия, Иустияна же и Льва пресловутаго, во всяком разуме и премудрости. (…)

(…) у нас же который образ лихоимства и хищения не дается безстудно и без болезни, везде разбойники и душегубцы и татие и хищници и насильники и росты на росты немилостивии, совершенну нищету наводяще бедным должникам, и толико преумножися — богомерзский сей прибыток, яко возможе одолети самим преподобным Божиим святителем и священником и архимандритом и игуменом нашим. Коль же люте согрешающе кроме владычню заповедь и волю что имама отвещати страшному Судии в день страшнаго испытания, в онже и сотворшеи о имени его многия силы и бесы изгнашеи отрееми бывают и делатели беззаконию наричются, понеже исполнение закону любовь, яже покрывает множество грехов, не стяжаша к нищим и убогим вдовам же и сирым, их же удовляти повельни бывше и не удоволиша, но паче презираху их погибаемых зле гладом и наготою и скудостию всяких потребных, сами же всегда наслажающеся бяху всяким покоем и прохладом житейским, богатство себе собирающе на земли злата и сребра и риз многоценных и всяческих стяжаний, ни во чтоже полагающе владычню заповедь, завещевающе не скрывати сокровища на земли, но на небесех, да идеже сокровище наше есть, ту и сердце наше будет? Како убо надеемся спастися и внити в царствие небесное, елма по владычиему ответу яже по нас правда не точию преизлишьствует паче правду книжник и фарисеон, но множае паче скуднейши есть, елма убо оне своя имения одесятствоваху, мы же вселетных истязаний и тягчайших ростов имения должников без милости хищаем? Не прельщаем себе, преподобнейшии, не прельщаемся суетными надеждами; лихоимцы и хищницы царствие Божие не получают. (…) Котории от века прогневавше его всякими неправдовании, лихоимствы же и блужении, избегошадо конца крепких рук его (Бога). где пресловутая царствия древних язык, ассириянех, вавилонех (…) не вся ли истребишася и до конца погасоша, всяческих ради их неправдовании, блужении же и гордыней? Познаим убо и мы себе и отступим всякия злобы нашея, неправды, лихомания, гордости сатанический, блужения содомскаго и гоморскаго, очистим уверенную нам от всех Бога и Владыки благоверную сию державу, очистим от всякаго беззакония, неправдования же и жидовскаго сребролюбия и лихоимания, их же ради бежит от нас Божественный покров и сила, покрывающая нас и соблюдающи невредных от всякаго навета и беды видимых и невидимых враг наших. Сего же божественнаго покрова и заступления обнажившееся, играние прочее и попрание бываем невидимым сопротивным силам и от них пореваеми бываем в безчисленныя пропасти всякия злобы беззакония и сих ради впадаем во всяческих бедах и напастех, и не отступают, наветующе нам, дондеже до конца истребят нас. (…) Сие спасительное человеколюбное поучение держите всегда в мыслех ваших, о благовернейшии царие и князе и боляре и судии земстии, и со страхом Божиим и правдою правите вещи подручников, ненавидяще всяко мздоприятие, да можете и вы молитися ко праведному Судии и глаголати со дерзновением: сотворих суд и правду, не предажь мене обидящим мя. (…) Послушаем Божественнаго пророка, глаголющаго: не надейтеся на неправду и на восхищение не желайте, богатство аще течет, не прилагайте сердца; занеже, рече, богатии обнищаша и взалкаша, овы убо в житии сем в различных бедах падше, и неправденаго богатства и своего живота отпадоша и зле погибоша, инии же зде и по смерти отпадают и маловременнаго богатства сего и пребывающаго в некончаемые веки, а взыскающеи Господа не лишатся всякого блага и в нынешнем и будущем (веке), яко же писано: праведник якоже кедр, иже в Ливане, умножится насажден в дому Господни, во дворех дому Бога нашего, процветут еще умножатся в старости мастите и благоприемлюще будут. (…)






 

Биографии знаменитых Политология UKАнглийский язык
Биология ПРАВО: межд. BYКультура Украины
Военное дело ПРАВО: теория BYПраво Украины
Вопросы науки Психология BYЭкономика Украины
История Всемирная Религия BYИстория Украины
Компьютерные технологии Спорт BYЛитература Украины
Культура и искусство Технологии и машины RUПраво России
Лингвистика (языки мира) Философия RUКультура России
Любовь и секс Экология Земли RUИстория России
Медицина и здоровье Экономические науки RUЭкономика России
Образование, обучение Разное RUРусская поэзия

 


Вы автор? Нажмите "Добавить работу" и о Ваших разработках узнает вся научная Украина

УЦБ, 2002-2019. Проект работает с 2002 года. Все права защищены (с).
На главную | Разместить рекламу на сайте elib.org.ua (контакты, прайс)