ЦИФРОВАЯ БИБЛИОТЕКА УКРАИНЫ | ELIB.ORG.UA


(мы переехали!) Ukrainian flag (little) ELIBRARY.COM.UA - Украинская библиотека №1

Документы по истории России до XVIII в. - Послание Нила Сорского к брату (начало XVI в.)

АвторДАТА ПУБЛИКАЦИИ: 27 октября 2006
АвторОПУБЛИКОВАЛ: Администратор
АвторРУБРИКА: Российское государство XV-XVII вв.




Похвално желание подвигнул еси, о възлюбленне, еже слышати слово Божие ищеши на утвержение себе, на съхранение от злых и поучение к благым. Но подобно было тебе сиа от добре разумеющих навыцати. Ты же требуеши сиа от мене неразумнаго и грешника. Аз убо и в учимых чину непотребен есмь, того ради отрицахся и отлогах намнозе: не яко не хотя послужение принести благому твоему произволению, но ради неразумна и грех моих. Что бо аз реку, не створив сам ничто же благо! Кый есть разум грешнику? Точию грехы. Но понеже множицею понудил мя еси на ее — еже написати ми тебе слово к созиданию добродетели, и аз дерзнух написати тебе сиа, еже выше моея меры, не могый презрети прошениа твоего, да не множее оскорбишися.

Въпрошение же твое — о находящих помысл предних мирскаго житиа. И се и сам от искуса разумееши, коликы скорби и развращение имать мир сей мимоходящий и колико злолютьства сътворяет любящим его и како посмеевается, отходя от работавших ему, сладок являася ми, егда ласкает вещми, горек бывает последи. Поелику убо мнять благая его множащася, егда удерживаются им, потолику растуть скорби им, и мнящаася бо его благаа по видимому суть блага, внутрь же исполнена многа зла. Того ради имущим разум истинною благый явлен не показует себе — да не възлюблен будеть ими. По прошествии же от житиа сего что бывает? Положи мысль твердо в глаголемое. Чим ползова мир держащихся его? Аще кои и славы, и чьсти, и богатьство имеша, не вся ли сиа ни во что же быша и яко сень мимоидоша и яко дым исчезоша? И мнози от сих, сообращающеся в вещех мира сего и любяще пошествие его, в время юности и благоденьства своего смертию пожати быша, яко цветци сельнии, процветше, отпадоша и, не хотяще, отведени быша отсюду. А егда пребываху в мире сем, не поразумеша злосмрадиа его, но тщахуся в украшение и покой телесный, изъобретающе разумы прикладны в прибыткы мира сего, и в учениих прохождааху яже венчяють тело в веце сем преходящем. И аще сиа вся получиша, а о будущем и некончаемом блаженьстве не попекошася, что непщевати о таковых? Точию сих мир безумнейши не имать, яко же рече некый премудрый святый. Неции же от сих благоговейнейша быша и съобращаху ум свой в помышлениих желаниа спасениа души, и имяху борение к отрастем, и образы добродетелей по возможьному творяху, хотяще разрешитися и отступити мира сего, но не могоша оттръгнутися от сетей его и избожати коварств его.

Тебе же възлюбив Бог, и изя тя от мира сего, и постави тя в чину службы своея милостию и строением своим. Того ради должен еси попремногу блатодарити милость его и творити вся, елико по силе, к благоугождению его и к спасению душа своея, задняя мирская забываа яко непотребна, к предним же добродетелем простираася яко животу вечному ходатайствено. Радуйся, гряди на почесть вышняго званиа, иже в небеснем отечьствии подвивавшихся щадимоя. А еже рекл ми еси о помыслех нечистых, иже от врага душь наших приносимых, о сих не зело поглощайся скорбию, ни ужасайся, понеже не точию нам немощным и страстьным от сих стужение бывает, глаголють отцы, но и сущим в предспеании и в житии достохвалнем пребывающим и благодати духовней отчасти сподобившимся. И сим ратование бывает много от таковых помысл, и в подвизе велице от сих обретаются и благодатию Божиею едва отгоняють сих, тщащася всегда на отсечение сих. И ты, сим утешаяся, потщателно отсецай лукавыя помыслы. Имей же на сих всегдашнюю победу — молитву, Господа Иисуса призывая. Сим бо призыванием отгоним и бежаще отидуть. Яко же рече Иоан Лествичный: «Иисусовым именем ратникы, крепчайши бо сего оружиа несть». Аще ли зелне укрепятся ратующей тя, тогда, въстав и на небо очи и руце възвед, рци усердие со умилением: «Помилуй мя, Господи, яко немощен есмь. Ты, Господи, силен еси, и твой есть подвиг. Ты ратуй о нас и победи, Господи». И аще сице творя будеши неленостно, всяко искусом научишися, яко вышняго силою сиа побеждаются. Твори же что любо и рукоделие, и сим бо лукавыя помыслы отгоняются. И се есть предание аггельско некому от великых святых. И изучай что от Писаниа из уст, в том ум пологаа: и сиа възбраняють к нам вход нашествиа бесовьскаго.

И то есть изъобретение святых отець. Съхраняй же ся от бесед, и слышаниа, и зрений неподобных, иже въздвижуть страсти и укрепляють нечистый помыслы, и Бог поможет ти.

О страховании же еже глаголеши, се есть младенчественый обычай немужественыя душа. Тебе же не свойствено есть сие. И егда прилучат ти ся таковаа, подвизайся, да не обладають тобою, и утверди сердце свое уповати на Господа и рци в себе сице: «Имам Господа, храняща мя, и без воля его не можеть никто же ни в чем же повредити мя. Аще ли что попустить на мя — еже пострадати ми, и аз се не злолютне приемлю и не хощу упразнити хотениа его, понеже Господь множае мене весть и хощет полезная мне. И аз о сих всех благодарю благость его». И такс благодатию Божиею благодерзостен будеши. Молитвою же всегда и на се въоружайея. И егда в киих местех сие прилучит ти ся, тамо наипаче тщися приходити и, руце креста образом простер, Господа Иисуса призывай. И помощию Вышняго не убоишися от страха нощнаго и от стрелы, летящиа в дне. И сиа убо о сих.

Прочая же вся, елико похвална, и ч[и]ста, и добродетелна, сиа помышляй и твори, мудр бываа в благое, всяку же злобу ненавидя. Имей послушание к наставнику и прочим отцем о Господе в всяко дело благо. Службе же, ей же ныне поручен еси или в ину преидеши, буди служа светлым предложением и тщанием благообразным, яко самому Христу, всю братью святы имея. Аще прилучит ти ся слово въспрос или ответ кому, благоглаголива и сладко беседу твори с любовию духовною и с, смирением истинным, неразденено и не преобидя брата. Благоговейным, отцем прилепляйся, и то — в время и в меру. От не таковых же отайся, съхраняй же ся и тщися не укорити, ни осудити кого в чем, аще и не благо что зрит ти ся. Но се е грешна и неключима в всем въменяй. Аще потребна та будет кая вещь от настоятеля или в прочих въображеных отец на то, прежде помолився и размысли в себе, аще полезно есть, и тако въпроси. Аще ли не устроить ти, яко же хощеши, не огорчися, ни ужесточися про то еже не по твоему хотению сътвориша, аще и благо мнить ти ся, яко же ты хощеши, но с трьпением прейди и с тихостию и с пожданием все твори. И аще к благоугождению Божию и к спасению душа своея управляя ся будеши, всяко известить Бог сътворити кому во потребе твоей и время и руку помощи подасть.

Буди же потребен к послушанию божественых писаний, и сих гл[аглагол]ы, яко водою животною, напояй свою душю и тщися, елико по силе, по сих творити. Тако же имущим разум божественых писаний и мудрование духовно и жительство свидетельствованно в добродетелех, таковым тщися повиноватися и тех житию подражатель быти. Терпение имей в скорбех, и за оскорбивших тя молися, и имей тех яко благодетеля.

И се разумей, еже глаголю ти разум божественых писаний, поведающь хотение благодеания Божия, яко от века святии, иже съдеаше правду и получиша обетование, ходивше в путех добродетелей: не токмо беды и скорби претерпеша, но и крестом, и смертию шествуема бе стезя их. И се есть знамение любве Божиа, еже скорби кому принесутся и чистоте. Егда же зелне належит ти брань, абие въстав и на небо очи и руце простер, молися сице: «Ты силен еси, Господи, и твой есть подвиг. Ты ратуй и победи в том. Господи, о нас». И възопи к всесилному в помощех смиреннеми вещанми: «Помилуй мя, Господи, яко немощен семь». Сие убо предание святых есть. И аще в сих борениих проходя будеши, познаеши искусом, яко благодатию Божиею сиа сими зелне побеждаются.

Всегда же Иисусова имене оружием рани ратники. Крепчайши бо сеа победы несть.

Съхраняй же ся от видениа лиц и слышаниа бесед таковых, иже въздвижуть страсти и въставляють нечистыя помыслы. И Бог съблюдеть тя. И сиа убо о сих.

Второе же въпрошение твое о хулном помысле

И сии помысл безстуден и лют зело. Стужает же крепче и не постоятелне, и не точию ныне, но и древле бысть, и великым отцем и святым мучеником, и в самое то время, егда хотяаху мучители предати телеса их на раны и смерти горкиа, исповеданиа ради веры еже в Господа Бога нашего Иисус Христа.

И на сии помысл победу имети сице — еже не свою душю, но нечистаго беса виновна быти сему. Глаголати же противу хулному духу сиа: «Иди за мя, сатана. Господу Богу моему поклонюся и тому единому послужу. Тебе же хула твоя на верх твой възвратится, и тебе напишеть сию Господь. Отступи убо от мене. Бог, създавый мя по образу своему и по подобию, да упразнит тя». Аще ли и по сих стужаят, бестудствуя, преложи помысл на ину некую вещь божествену или человечьску — аще что не вне подобающих. Съхраняй же ся от гордыня и в путех смирениа тщись проходити. Речено бо есть отцы, яко от гордыня ражаются хулныа помыслы. Бывают же и от зависти бесовъскыя. И аще от сего или оного бывають, но яко же ални губителна ядовитым зверем, тако и сей страсти губително есть смирение. Не точию же сей, но и прочим, — речено бысть святыми отцы. (…)

А еже испытуеши, како отступи от мира, — и сие добро усердие твое. Но тшися делом сему свершитися сице в тебе. Сие бо есть потлаченный путь к вечному животу, им же, в внятии премудрости познавше, идоша преподобнии отцы. Наипаче бо тому подобно отступление мира, ему же в обычаи бысть съвокупление с миром. Аще бо не отступить, яко же образи неции и начертаниа мира, прежде бывшая в нем от слышаниа и видениа мирских вещей, пакы поновляются. И не можеть трезвено пребыти в молитве и Божиим волям поучатися. Хотяй же поучатися благоугождению Божию должен есть отступили мира.

Не въсхощи же приати обычных другов беседы, иже мирская мудрьствующих и упражняющихся в безсловеснаа попечениа — яже в прибыткы маностырска богатьства и стяжениа имений, яже мнится сиа творити в образе благости и от неразумна божественых писаний или от своих пристрастий, добродетель мнять проходити. И ты, человече Божий, таковым не приобщайся; Не подобает же и на них речми наскакати, ни поношати ни укорити, но — Богови оставляти сиа: силен: бо есть исправити их.

Съхраняй же себе в всячскых от дерзновениа. Дързновение бо, яко же писано есть, подобно огню велику, еже егда бывает, вси бежат от лица его. И отвращайся слышати и видавши вещи братняя и таиньства их и деаниа, сиа бо сътворяет душю пусту всякого блага и устраяет смотряти не остаткы ближняго и съставляет еже плаката своя грехы. И не тщися скороглаголив быти в беседах к братии, аще и полезно быта мнятся. Но аще который брат извещение имат к нам и истинно требует слово Божие и аще имамы, должни есмы подати ему не точию слово Божие, по апостолу свидетельствующу, но и свою душу. Събращай же ся с таковыми и съблаговоли тех в деланиих, иже духовне мудроствують, яже суть чада тайн Божиих. С не таковыми же беседы, аще и малы суть, изсушають цветы добродетелей, иже внове процветающа от растворениа безмолвия и окружающая с мяккостию и младостию сад душа, всажденному при исходих вод покааниа, яко же рече премудрый святый.

А еже ищеши, како не заблудити от истиннаго пути, и о сем съвет благ даю та.

Свяжи себе законы Божественых писаний и последуй тем, писанием же истинным, Божественым. Писаниа бо многа но не вся Божествено суть. Ты же истинно известие испытав от чтений сих и бесед разумных духовных мужей — понеже не вси, но разумнии разумевають сих — и без свидетельства писаний таковых не твори что, яко же и аз. О себе поведаю ти, понеже иже по Бозе любовь твоа безумна мя сътворяет — еже о себе глаголати ми. Но яко же речено есть: «Таиньства моа любящим мя открываю». Того ради глагола ти.

Аз убо не творю что без сведетельства Божественых писаний, но по святых писаний последуя, творю елико по силе. Егда бо сътворити ми что, попытую прежде Божественаа писаниа. И аще не обрящу съгласующа моему разуму в начинаниа дела, отлагаю то, донеже обрящу. Егда же обрящу благодатию Божиею, творю благодерзностно яко известно. От себе же не смею творити, понеже невежда и поселянин есмь.

Сице и ты, аще хощеши, сътворяй по святых писаниих и по сих разуму тщися делати заповеди Божиа и преданна святых отець. И аще волнениа житейских вещей каа подвижут сердце твое, не ужасайся, утверждаем на недвижимом камени заповедей Господних и ограждаем преданми святых отець. И о всем буди ревнитель тем, их же зриши и слышиши от святых писаний, имущих свидетельствованно житие и мудрование. Сих бо право есть шествование пути. И сиа написуа в сердци своем, пойди неуклонно в путь Божий и не заблудиши благодатию Божиею от истины. Писано бо есть, яко невъзможно праве мудрьствующему и благочестне живущу погыбнути. Но елици разъстленнем разумом творять дело Божие, сии погрешають от праваго пути.

Шествуй же невъзвратно, положив руку на рало Господне и не зря въспять, да управлен будет в царство Божие. И потщися, прием семя слова Божиа, не обрестися сердцу твоему путь, ни камень, ни тръние, но благая земля, сътворяя много сугубен плод в спасение душа своея. Да и аз, разумное твое в услышании слова Божиа разсмотрив и яже достойная похвалам в исправлении добродетелем в тебе обрет, възрадуюся, благодаря Бога, увидев тебе слышавше слово Божие и хранящее. Молю же тя Господа ради молити за мя грешника, глаголюща та доброе, а не творяща никако же.

Бог же, творяй преславная и подовая всяко данние благо творящим волю его, да подасть та разум и утверждение творити волю его святую молитвами Пречистыа Владычица нашеа Богородица и всех святых, яко благсловен в векы. Аминь.






 

Биографии знаменитых Политология UKАнглийский язык
Биология ПРАВО: межд. BYКультура Украины
Военное дело ПРАВО: теория BYПраво Украины
Вопросы науки Психология BYЭкономика Украины
История Всемирная Религия BYИстория Украины
Компьютерные технологии Спорт BYЛитература Украины
Культура и искусство Технологии и машины RUПраво России
Лингвистика (языки мира) Философия RUКультура России
Любовь и секс Экология Земли RUИстория России
Медицина и здоровье Экономические науки RUЭкономика России
Образование, обучение Разное RUРусская поэзия

 


Вы автор? Нажмите "Добавить работу" и о Ваших разработках узнает вся научная Украина

УЦБ, 2002-2019. Проект работает с 2002 года. Все права защищены (с).
На главную | Разместить рекламу на сайте elib.org.ua (контакты, прайс)